2003ko azaroaren 11n indarrean sartu zen Lege honek oinarrizko bi alderdi ukitzen ditu: bermearen legezko markoa— legeak berak ondasunen eta salerosketa-kontratuaren arteko adostasuna bermatzeko aitortzen dituen eskubideei dagokienez— eta kontsumitzaileari eskaintzen ahal zaion merkataritza-berme² gehigarria.

Bermearen legezko markoak kontsumitzaileari hainbat aukera eskaintzen dizkio, erositako ondasunaren saneamendurako, kontratuarekin bat ez badator. Kasu hauetan, erosleak ondasuna konpontzeko edo aldatzeko eskatzen ahal du, betiere eskatzen duena ezinezkoa edo neurriz kanpokoa ez bada; halakoetan, kontsumitzaileak prezioa jaistea edo kontratua suntsiaraztea (dirua itzuli eta zenbatekoa berreskuratu) erabaki beharko du.