Ekainaren 12ko 17/2001 Foru Legeari jarraiki, ezin izanen dira merkataritzan aritu araudiak berariaz hori debekatzen dien pertsona fisikoak eta juridikoak, eta banako enpresaburuak zein sozietateak, betiere burutzen duten jarduerari buruzko arau bereziek esklusibotasunez aritzeko beharra ezartzen badiete. Espreski debekatuta dago salgaiak erakutsi eta saltzea, bai eta salgaien katalogoak, liburuxkak edo publizitatea igortzea edo ematea ere, azken buruko hartzaileari, baldin eta salgai horiek merkataritzan aritzen ez diren pertsonenak badira eta, pertsona horien jardueraren ondorioz, helburu nagusia bada merkataritza-eskaintzari atxikiriko maileguak, gordailuak eta antzeko eragiketak egitea, halako moduz non bata egitea ezinezkoa baita bestea egin gabe. Horrelakorik badela uste izanen da erosleak aipatutako pertsonei salgaien eskabideak egiten badizkie edo haien saltokietan salgaiak erosten baditu.