Merkataritza-gunea eraikin edo esparru beraren barrenean dauden salmenta-puntu edo zerbitzuen multzoak osatzen duen saltoki kolektiboa da, non enpresa-jarduerak beregain egiten diren, baldin eta lokal guztiak batera proiektatuak badira eta zenbait elementu komunean erabiltzen badituzte. Merkataritza-parkea merkataritza-gunearen ezaugarriak dituen saltokia da, betiere, horrez gain, aisialdiko zerbitzu eta jarduera multzo bat eskaintzen baditu. Merkataritza-aldetzat hiri-lurzoruko edo lurzoru urbanizagarriko eremu bat hartuko da, zeinetan saltoki bat baino gehiago baitago edo merkataritza indibidual edo kolektiboarentzako zerbitzu bat baino gehiago, eta horien ustiaketa eta kudeaketa beregaina baita.