LAGUNTZA BEHAR DUT
Nafarroan, laguntza eskatzeko, 112 telefonora deitu behar da (bertan, larrialdi guztiei egiten zaie aurre. Izan ere, larrialdietarako arta eskaintzen du, berehala bideratzen du kasu bakoitza dagozkion baliabideetara eta laguntza psikologikoa ematen du). Nolanahi ere, 2008ko abenduaz geroztik, indarra hartu du, Espainia osoan, genero-indarkeriari aurre egiteko berezko telefonoa: 016.
¿Zer da 016 telefonoa?
Tratu txarrei buruz kontsultak edo aholkuak eskatzeko doaneko telefonoa. Konfidentziala da, eta argibideak ematen dizkizu, gizarte-baliabideei eta aholkularitzari buruzko informazioa aurkitzeko.
Eskaintzen dituen zerbitzuen zerrenda
- Arta doanekoa eta profesionala
- Arta, urteko 365 egunetan, eguneko 24 orduetan
- Erantzuna, Espainia osoko kontsultei
- Larrialdiko deiak 112 telefonora helaraztea
- Koordinazioa, Erkidegoetan diren antzeko zerbitzuekin
- Argibideak, genero-indarkeria pairatzen duten emakumeei eta haien ingurukoei, tratu txarren kasuan jokatu beharreko moduaz.
- Argibideak, bortizkeria mota hau pairatzen duten biktimek eskura dituzten baliabideez eta haien eskubideez, ondoko gaietan: enplegua, gizarte zerbitzuak, diru-laguntzak, informazio-, arta eta harrera-baliabideak.
- Aholkularitza juridikoa
- Arreta, sei hizkuntzatan: gaztelania, katalana, galegoa, euskara, ingelesa eta frantzesa
- 900 116 016 telefonoa, entzumen-minusbaliotasuna duten pertsonentzat
Argibide gehiago, ondoko tokietan:
Emakumeendako Udal Zerbitzua
Iruñeko Udalak 1990. urtean sortu zuen Emakumeendako Laguntza Zerbitzua, tratu txarrak, erasoak edo sexu-jazarpena jasan eta babes neurri bereziak zein laguntza soziala, juridikoa edota psikologikoa behar duten emakumeei arta integrala eskaintzeko lehentasunezko helburuarekin.
Tutera k., 4 – 1.a, Iruña.
Irekita astelehenetik ostiralera (08:30 – 14:30).
Komeni da hitzordua eskatzea, 948 420940 telefonoan.
Emakumeendako laguntza juridikoko zerbitzua
Nafarroako Berdintasunerako Institutuak, Iruña, Tutera, Lizarra eta Tafallako abokatuen elkargoekin batera, doaneko zerbitzua eskaintzen du, argibideak, aholkularitza, konpainia eta laguntza juridikoa emate aldera, bereziki tratu txarrik edota sexu-erasorik pairatuz gero.
- Institutuak urteko egun guztietan eta eguneko ordu orotan ematen du zerbitzua, genero-indarkeria jasan duten emakumeei edo jasateko arriskuan edo jasateko puntu-puntuan daudenei arta emateko.
- Institutuak zerbitzu iraunkorra eskaintzen du, goardia lokalizatuen bitartez, eta Nafarroako edozein tokitara bertaratu beharra dauka, ahalik eta lasterren eta erabateko lehentasunez.
- Laguntza eskatzeko, 112-SOS NAVARRA telefonora deitu.
Argibide gehiago, ondoko tokietan:
Halaber, Nafarroako Berdintasunerako Institutua web gunean kontsultatu daiteke
